2018-жыл менен коштошуп, жаңы жылды тосуп аларыбызга аз убакыт калды. Маданият, шоу тармагында кара тер төгө, тыным албай иштегендер кимдер болду? Алардын элге тартуу кылган чыгармалары канчалык элге жакты, канчалык жүрөктөрдөн орун алды, аныктоочу маал келди. Жылдын мыктыларын сиздин добушуңуз чечет. Ырчылардын, актёрлордун, актрисалардын, вайнерлердин, тасма, клиптердин тизмеси SUPER.KG порталына жүктөлүп, добуш берүү башталды.

Жылдын супер тандоосуна 2017-жылдын ноябрь айынан үстүбүздөгү жылдын ноябрына чейин жарык көргөн ырлар, клиптер, тасмалар катышат. Добуш берүү 30-ноябрдан 22-декабрга чейин уланат. Добуш берүүнүн жыйынтыгы менен эң көп упай топтогон талапкер «Жылдын супери» деп табылат.

Буга чейин “Заманыбыздын супер ырчысы” наамын алган ырчы айымдар жана мырзалар жылдын тандоосуна катышпайт.