27-ноябрда Кыргыз Республикасынын Эмгек сиңирген артисти Мирбек Атабеков борбордогу тойканалардын биринде уулу Адамды сүннөткө отургузуп, кызы Ыймандын жентек тоюн өткөрдү. Ырчыны жакшылыгы менен куттуктап ага байланыштык: "Сүннөткө отургузуу, жентек той илгертеден келе жаткан кыргыздын салты эмеспи. Андан сырткары тууган-урук, куда-сөөк, жоро-жолдошторду чогултуп жакшылыгыңды тең бөлүшүп, бата алууга жакшы себеп болот. Бизди башка улуттардан өзгөчөлөнтүп турган да дал ушул нерселер деп билем. Тоюбузга жалпысынан 300дөй адам келди. Үлпөт тоюбуздагыдай эле бул ирет дагы ичимдиктери жок адал той өткөрдүк. Келген конокторго устукан тарткан жокпуз. Муну менен биз ашыкча ысырапкорчулуктан алыс болдук. Ашыкча каражат болсо жардамга муктаж адамдарга кайрымдуулукка жумшаганыбыз оң. Тойдо балдарыма арнап сөзү, обону Бакыт Алишеровго таандык “Балама” аттуу ырды аткардым. Азырынча бул ыр жакшы быша элек. Кайрадан ырдын үстүнөн иштеп, жакында жалпы элге тартуулайм".

Адам менен Ыйманга бекем ден соолук, бактылуу балалык каалайбыз!

star@super.kg