Гүлзат Мамытбектин сүйүктүүсү Хуан Кыргызстанга келди. Аны менен баарлашканыбызда нике кыйылып, экөө баш кошкондорун айтып берди.

– Хуан “сени сүйүп калдым, такыр оюмдан чыкпай жатасың. Жакындан таанышалы” деп мекенибизге келди. Ага Кыргызстан жакты. “Бири-бирине ишенген, бири-бирин колдогон, меймандос эл экен”,- деп кайын журтун мактап бүтө албай жатат. Биз нике кыйып үйлөндүк. Буюрса, тойду Голливуддан өткөрөлү деген максаттарыбыз бар. Эгер азыр чоң той кылып алсак, балалуу болгубуз келет, анан эркелеп максаттарыбызга жетпей калабыз. Максатыбыз – “Оскар” сыйлыгын алуу. Чынында, сүйүү бат эле тутанып кетет экен. “Сени Голливуд жылдызы кылам. Кинолорумда сен роль ойнойсуң” деп мени аяп, бөпөлөп жаткан адамды тез эле жактырып калдым. Хуан бул жакка эле билет алып келди, кайра качан кетет, экөөбүз тең билбейбиз. Азыр ага баары жагып, “бул жерде сонун кинолорду тартат турбаймынбы” деп жатат. Эң чоң максаттарыбыздын бири – Ысык-Көлдүн жээгинде Голливуд борборун куруу болуп эсептелет.

star@super.kg