Жыл жаңырары менен белгилүү ырчы Султан Садыралиевдин үйүндө кубанычтуу кабар болуп, наристе үнү жаңырды. Султан Садыралиевге байланышып, тун уулу Акмырза жана кызы Айсанаттын жаңыдан жарыкка келген бөбөгү тууралуу сурадык: “Кудайдын буйругу менен жубайым Асел 4-январда уул төрөдү. Учурда жубайымдын да, уулумдун да абалы жакшы. Балама ат тандоодо досторум менен кеңештим. Бир нече жакшы ысымдардын арасынан Мухаммед деген атка токтолдук. Буюрса, ысымын татыктуу алып жүргөн инсан болот деп ишенем”,- дейт кубанган ырчы. Мухаммеддин бешик боосу бекем болуп, келечекте атасындай эл уулу болсун!

star@super.kg