13--январь күнү Аваз Акимов сүйүктүүсү Айдана Декага сулуулук салонун ачып берди. Жаңы иш баштап жаткан таттуу түгөйлөрдү салондун ачылышы менен куттуктап, кубанычы менен бөлүштүк.

– Мындай идея октябрда келип, Авазга салон ачкым келип жатат дегем. Аваз идеямды дароо эле колдоп, имарат издеп баштадык. Кийинчерээк жеке концертим менен алаксып, салонду ачуу иштери артка жылып кетти. Былтыр жакшы жерди ижарага алып коюп, январдан баштап эмерек, мастерлерди издеп, ошону менен алек болуп жүрдүм. Каржы жагын Аваз көтөрдү. Эми иштетүү жоопкерчилиги менде,- дейт Айдана.

Аваз Акимов болсо “Бул келечекте биздин үй-бүлөбүздүн бюджетине киреше алып келчү алгачкы бизнесибиз. Айдана салондун иштерин ийгиликтүү алып кетерине көзүм жетет” дейт. Кыз-жигиттин биргеликте ачкан бизнеси берекелүү болсун дейбиз!

star@super.kg