Кыштын чилдесинде жылуу, экзотикага бай өлкөлөргө барып эс алып келүү жылдыздар үчүн салтка айланды. Быйыл да салттан калбай шеринелештер Нурлан Насип, Асел Кадырбекова, Нурмат Садыров, Аваз Акимов, Данияр Эрматов, Алмаз Шаадаев, Эрнист Сыдыков жубайы менен Таиланддын Пхукет аралында чардап жүрүшөт. Нурмат Садыров: “Биз баарыбыз шеринелештербиз. Алдын ала кайда барабыз деп көпкө кеңештик. Тандап отуруп, акыры Пхукет аралына токтолдук",- дейт.

Ошондой эле “Жарайт City” командасынын актёрлору, ырчы Арсен, режиссёр Бакыт Осмонканов жубайлары менен Таиландда эс алышууда.

Жылуу жактарда эс алуучулардын катарында Мирбек Атабеков да бар. Ал: “Бул ирет атайын эс алалы деп апам, жубайым, кызым болуп Дубай шаарына келдик. Чынында, апам менен биринчи жолу чет жакка эс алууга чыгып жатам. Мага аябай жакты. Мындан ары үй-бүлөмдү алып дагы көп жакка барышыбыз керек экен деген максат койдук”,- дейт.

star@super.kg