• 2018-жылы Улуттук банктын эл аралык валюта резервинин көлөмү 21 МИЛЛИОН ДОЛЛАРГА азайган.
• "Дарыгерлик менен мыйзамсыз алектенет" деп камакка алынган табып ХАШИМ ЗАЙНАЛИЕВ бошотулду.
• Жогорку Кеңеш Бириккен Улуттар Уюмунун Майыптардын укуктары жөнүндө конвенциясын РАТИФИКАЦИЯЛОО тууралуу мыйзам долбоорун экинчи окууда жактырды.
• Мигранттар өлкөгө жыл сайын 2 МИЛЛИАРД 5 МИЛЛИОН ДОЛЛАРДАН ашуун акча которушат. Бул тууралуу Тышкы иштер министрлигинен билдиришти.
• Парламент комитетинде "Ак калпакка маданий символ статусун берүү жөнүндө" МЫЙЗАМ ДОЛБООРУ жактырылды.
• Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги 375 АЙЫЛ ӨКМӨТ дотацияда экенин билдирди.
• АСЕИН ИСАЕВ Кыргыз өлкөсүнүн Индиядагы элчиси болуп дайындалды. Тийиштүү буйрукка өлкө башчы Сооронбай Жээнбеков кол койду.
• Орусиянын президенти ВЛАДИМИР ПУТИНДИН Кыргызстанга мамлекеттик сапары март айына белгиленди.
• Вице-премьер Алтынай Өмүрбекова жашоо шарты оор балдардын МААЛЫМАТ БАЗАСЫН иштеп чыгууну тапшырды.
• Интернет таратуучу "АКНЕТ" компаниясы тарабынан мыйзам бузуулар болгону аныкталып, компания мамлекетке 150 миллион сом төлөп, келтирген чыгымдын ордун толтуруп берди.
• УКМКнын МУРДАГЫ ЖЕТЕКЧИСИ Мурат Суталиновдун оор илдетке чалдыкканына байланыштуу жазадан бошотуу тууралуу документтер сотко өткөрүлдү.
• Жогорку Кеңеш транспорт министри кызматына 94 добуш менен ЖАНАТ БЕЙШЕНОВДУН талапкерлигин колдоду.
• Жазаларды аткаруу мамлекеттик кызматы: "ӨМҮРБЕК ТЕКЕБАЕВ 2020-жылы февраль айында жатак-абакка которулат".

Кубан Жумамидинов
politika@super.kg