– Айтбай, кайдан келе жатасың?

– Көчө-пөчөнү кыдырып келе жатам.

– Ал жактан эмнелерди көрдүң?

– Жөжө-мөжө, тоок-поок...

– Мүшөгүңдө эмне бар?

– Мүшөгүмдөбү? Короз-пороз.

– Андай болсо олжоңдон бөлүшпөйсүңбү?

– Макул, мага корозу, сага порозу.

–Жан керекпи же сабизби?- деп коён кар кишини чач кургаткыч менен коркутуптур.

– Апа, эмне, бирөөнү кылбаган иши үчүн урушууга болобу? – Жок, уулум, урушууга болбойт.

– Андай болсо, апа, мен үй тапшырмасын аткарган жокмун.

– Таштан, сен мага караганда тазсың.

– Кандайча? Менде деле, сенде деле чач жок го?

– Сенин башың меникинен чоң да.

Дамира Арстанова
balakai@super.kg