Акыркы кезде Орусиялык телеалпаруучу, саясий ишмер Ксения Собчак менен жолдошу, актёр Максим Виторган ажырашты деген кептер айтылып келген. Жакында алар бул кептерге чекит коюп, ажырашканын тастыкташты. Ксениянын айтымында, экөөнүн бири-бирине болгон нааразычылыктары, түшүнбөстүктөр ажырашууга жеткирген. Ал Лера Кудрявцева алып барган берүүгө конок болуп, жеке жашоосу тууралуу төмөнкүлөрдү айткан: “Сүйүү бул гүл сыяктуу. Анын гүлдөп турушу үчүн дайыма суу куюп туруу керек. Сүйүү бир күндө өчүп калбайт. Болгону, сен сууну күндө куйбай калышың мүмкүн. Бул жалпы жоопкерчилик. Кээде ал туура эмес иш кылышы мүмкүн, сен кыйкырып салышың ыктымал. Ушунун баары чогулуп отуруп маанилүү нерсени өлтүрөт”. Ошондой эле Ксения Максим экөө уулу Платонду чогуу тарбиялап өстүрөрүн жана ага экөөнүн фамилиясын беришкенин кошумчалай кеткен.

Эске салсак, Максим менен Ксения 2013-жылы баш кошушкан. Ортосунда Платон аттуу 3 жаштагы уулу бар.

Гүлжамал Абылкасымова
star@super.kg