26-март күнү ирландиялык бейбаш мушкер Конор Макгрегор чоң спорттон кеткендиги тууралуу өзүнүн социалдык баракчасына жазды. “Спорттон кетейин деп чечтим. Эми пенсиядагы мушкерлердин катарына кошулдум” деп жар салды. Акыркы жолу Макгрегор өткөн жылы 6-октябрда Хабиб Нурмагомедовго жеңилип калган эле. Андан бери Конор өзүнүн вискисин чыгарып, бизнес жаатына ооп кеткен. UFC уюмунун президенти Дэйна Уайт “Анда акчасы да, вискиси да бар. Анын ордунда мен дагы ушундай кадамга бармакмын” деп белгиледи. Ал эми Хабиб “Жунглиде бир эле падыша болуш керек” деп тийише кетти.

Бирок мушкердин бул кадамы көпчүлүктү таң калтырган жок. Конор карьерасын биринчи жолу жыйынтыктаган жок. Ал Нэйт Диас менен реваншка чыгуу үчүн сүйлөшүүлөрдө ушундай кадамга барып, UFC`ни коркуткан эле. Анда UFC Диас менен экинчи беттешти уюштуруп берген. Андыктан күйөрмандар миллиондоп саналган сунуш түшсө Конор бат эле октагонго кайтып келет деп ишенишүүдө.

Адилет Керимбек уулу
sport@super.kg