«Жоролор» тобунун куудулу Алтынбек Ажалиевди саясатчы, президенттерди катыра туураган пародист катары жакшы тааныйбыз. 28-март күнү Алтынбек көптөн күткөн кызын бооруна алып, бактысы ташып турган чагы.
«Кызыбызды балдарым менен 7 жыл күттүк. Уулдарым чай ичкен сайын апасына аман-эсен көз жарып алыңыз, эгиз кыз төрөп алыңыз деп баталарын берип турушчу. Алардын батасы Кудайга жетип, келинчегим аман-эсен көз жарып, кыздуу болуп кубанып отурабыз. Кызыма Насыйкат деген чоң апамдын атын койдук. Учурда келинчегим менен кызымдын абалы жакшы»,- дейт куудул. Наристенин бешик боосу бек болсун дейбиз!