Баланын ыңаалаганы кулагына угула берди. Бул үн күндөн күнгө аны кемирип, ичин куйкалап бара жатты. Наристенин ыйлаганын уккан сайын ага болгон жек көрүүсү күчөп, анын атасынын элеси көз алдына тартылып туруп алчу болду.

– Аа-аа-аа...

Ызасына муунуп бир кыйкырып алды. Мындан ары чыдай алмак эмес. Муну токтотуш керек деп ойлоду. Уктоочу бөлмөдө жаткан 15 күндүк наристени жаздык менен бетин жаап үнүн баскысы келди. Ачууга алдырып жаздыкты улам катуу басты. Үн токтоду. Ымыркай ыйлабай да, кыймылдабай да калды. Жаздыкты ыргытып, жинди немедей көзүн тостойтуп ымыркайды карап калды. Туура эмес кылганын эми түшүндү...

Келиндин өз канынан жаралган баласын өлтүрүүгө эмне түрткү болду? Аны кандай жагдай Москвага жетелеп барып, көчөдө калтырды? Жолдошу менен сүйгөнүн сотко берип, каматууга себеп болгон кандай окуя болду? Кийинки сандарда “Туман” сериалынан чыныгы турмуштан алынган кыргыз кызынын тагдырын окуйсуздар.