Акыркы кезде ырчы Бегимай Бекбоеваны "толуп кетиптирсиң" деп сындагандар көп болду. "Ден соолугума байланыштуу шишип кеткеним ырас" деген Бегимай жакында башына операция жасатканын билдирди.

– Башым көп жылдан бери лукулдатып ооруй берчү. Гастролдоп жүрүп, ден соолугума маани бербей, ооруканага деле кайрылбай жүргөм. Бир жарым жылдан бери денем шишигени аз келгенсип, башым да шишип баштады. Акыркы кезде башымдын ооруганы күчөп, абалым начарлай баштаганда ооруканага кайрылгам. Башымды томографияга тарттырган соң дарыгерлер баш мээмде шишик бар экенин аныкташты. 3 жума мурун Улуттук онкология жана гематология борборунда башыма операция жасалып, шишикти алып салышты. Шишиктин кандай түрү экенин аныктоо үчүн гистология бөлүмүнө жөнөтүшкөн. Кудай буюрса, жакшы кабар угабыз деп тилек кылып жатабыз. Азыр дарыгерлердин көзөмөлүндөмүн, айыгып кетсем, чыгармачылыкка кайтып, жаңы ырларды жаздырам,- дейт Бегимай. Бегимайдын эртерээк сакайып кетишин каалайбыз!

star@super.kg