22-23-июнь күндөрү Кыргыз Премьер-Лигасынын 11-турдук оюндары болуп өттү. Кант шаарында Оштун “Алай” клубу “Академия-Лидер” командасын 3:1 эсебинде жеңип, 28 упай менен мелдештин сап башында жайгашты. Кочкор-Ата шаарына конокко барган “Илбирс” командасы жергиликтүү “Нефтчи” клубун 3:1 эсебинде утса, “Абдыш-Ата” конокто “Кара-Балтаны” 1:0 эсебинде жеңип алды.

Бул турдун оюнун "Дордой" менен "Алга" апрель айында ойноп коюшкан. Анда 1:1 эсебинде тең чыгуу орун алган. Учурдагы өлкө чемпиону “Дордой” 22 упай топтоп экинчи орунда. Ал эми 18 упай топтогон “Абдыш-Ата” менен “Нефтчи” 3-4 орунга жайгашты.

Кубан Жумамидинов
sport@super.kg