Кара каш, кара көз ырчы жигит Даниель чыгармачылыктан алыстап, бир нече жылдан бери эл көзүнөн оолак жүрөт. Социалдык тармактардан да баракчалары өчүрүлгөн. Өткөн жумада Даниель ырчылыкка кайтып келерин жарыялады.

"Кудай буюрса, чыгармачылыгымды улантайын деп турам. Мен 5 жыл бою ырдабай, сахнадан көрүнбөй кеттим. Бирок мени уга турган, күтүп жүргөн күйөрмандарым бар болсо керек",- дейт ал.

Көп убакыт өтпөй эле Даниелдин Инстаграмдагы жеке баракчасы ачылып, ага катталган күйөрмандарынын саны күн санап өсө баштады. Биз менеджери Алик аттуу жигит менен байланышып, ырчынын кабарын уктук. “Даниель жакын арада чоң жаңылыгы менен сахнага кайтат. Учурда долбоордун үстүндө иштеп жатабыз. Даяр болгонубузда сиздерге кабар беребиз” дейт ал.

star@super.kg