Эсиңиздерде болсо, жылдын башында, тагыраагы, 8-февралда өзүн кыргыздын деми атаган Гүлзат Мамытбек мурунку жолдошунун үйүнө балдарын алганы барып, мурунку жолдошу тарабынан токмок жеп, тепкиге алынган эле. “Ажырашканга чейин көп жыл бою ушундай кордукта жашап жүргөм” деген Гүлзат айым сабаганы үчүн мурунку жолдошунун үстүнөн Сокулук РИИБине арыз менен кайрылган. Жакында райондук соттун чечими чыкты, Гүлзат Мамытбек ага макул эместигин айтат.

– Медициналык экспертизанын жыйынтыгы чыкты. Мени уруп, тепкен видео турса да райондук сот мурунку жолдошумду актап, ишти анын пайдасына чечип койду. Сокулук РИИБинин кызматкерлерине ыраазычылык билдирем. Абдан адилеттүү, адамгерчиликтүү жигиттер иштешет экен. Райондук сот “өзүң барып бутун кармап алып тептиң. Тырмагыңды дарбазаны ургулап жатып өзүң сындыргансың” дейт. “Видеодо урган, тепкендери турат, күбөм да турат” десем, “биз ошондой жыйынтык чыгардык” дейт. Мен алардын чечимине макул болбой, Чүй ОИИББине кайра арыз менен кайрылдым. Буюрса, соттон утсам, мурунку жолдошум кылган жоругу үчүн мага 60 миң сомго жакын акча төлөп берет,- дейт Гүлзат Мамытбек.

star@super.kg