Ырчы Данияр Эрматов жакында өздүк баракчасына жүрөгүнүн ээсин тапканын жазып чыкты. Учурда ырчы жигит сүйүүгө мас болуп турган чагы. Ырчыны сүйүктүүсү жана жакында боло турган тою тууралуу кепке тарттык.

– Данияр, кандайсың? Акыры жүрөгүңдүн ээсин тааптырсың. Ушул тууралуу айтып берчи.

– Ооба, издегенимди таптым. Сүйүктүүмдүн аты Айсалкын, 20 жашта. Ош мамлекеттик университетинин кытай тили факультетинде окуйт. Экөөбүз эки ай мурун Бишкектен таанышканбыз. Аны бир көрүп жактырдым. Орундуу сүйлөгөн, адептүү кыз. Эки айдай сүйлөшкөндөн кийин ал мен күтүп жүргөн кыз экенине көзүм жетип, биринчи кадамды кылдым. Буюрса, ноябрда үйлөнөм.

– Жылдыздар эл алдында сүйүктүүлөрүнүн колун сурап үйлөнүшчү эле. Сен да ошенттиңби?

– Айсалкынга алдын ала “мен романтик эмесмин. Башкалардай болуп сюрприз уюштуруп колуңду сурабайм” деп айткам. Ал туура эле түшүндү. Ага кылган мамилем менен эле сүйөрүмдү билдиргем.

– Сүйүүңөр түбөлүктүү болсун!

star@super.kg