Венгриянын Будапешт шаарында күрөш боюнча жаштар арасында Дүйнө чемпиондугу жыйынтыкталды.

Мелдештин соңку күнү грек-рим күрөшү боюнча беттештер болуп өттү. Анда 60 килограмм салмакта Жоламан Шаршенбеков алтын медаль үчүн армениялык балбан менен күрөштү.

Беттештин жүрүшүндө ишенимдүү күрөшкөн Шаршенбеков атаандашына 4 упайлык эки ыкма жасаттырып жиберди. Убакыт бүткүчө атаандашына упайлар менен жете албай койду. Жыйынтыгында 11:7 эсеби катталып, Шаршенбеков күмүш медаль тагынды.

Грек-рим күрөшү боюнча Кыргыз курама командасынан башка балбандар медалга илинген жок.

Динара Акимова
sport@super.kg