Кыргыз мушкери Азат Усеналиев Орусияда өткөн “Мунай мамлекеттеринин дүйнө Кубогу” аталышындагы эл аралык мелдештин жеңүүчүсү аталды.

Усеналиев 52 килограмм салмакта күч сынашып, Азербайжан, Өзбекстан жана Орусия өлкөлөрүнүн мушкерлерин жеңип финалга чыккан. Финалда кыргыз мушкери эквадорлук Луис Дельгадо менен кез келип, калыстардын чечими менен жеңүүчү аталып, алтын медалдын ээси болду.

Буга чейин Эркин Адылбек уулу ушул турнирде коло медаль тагынган.

Гүлжан Асанкожоева
sport@super.kg