Күрөш боюнча кыз-келиндер арасындагы Кыргыздан чыккан алгачкы Азия, Дүйнө чемпиону Айсулуу Тыныбекова тууралуу тартылган даректүү тасманын трейлери чыкты.

Тасма америкалык Рейчел Сайн тарабынан тартылган. Ал бул тууралуу:

– Аталган тасма 2018-жылы тартыла баштаган. Алдыга койгон максаттарды ишке ашырууга Айсулуунун күчү жетерин билгем. Мен дайыма анын эркине, кыйынчылыктарга моюн сунбай турган тайманбастыгына таң берчүмүн. Айсулуу өз өлкөсүнүн гана эмес, бүтүндөй күрөш дүйнөсүнүн тарыхын жазып жатат. Тасма камтыган мааниси менен элге кызыгуу жаратат. Бүгүн аны чемпион катары көрүү оңой, бирок бул жеңиштин артында турган 10 жыл аралыгындагы талыкпаган эмгек, күжүрмөн аракетти элестетүү кыйын. Кызыктарга бай жана ар бир адамга дем-күч бере турган окуя менен ар бир адам менен бөлүшкөнгө шашылып жатам.

Динара Акимова
sport@super.kg