26-январда “Кең Тянь-Шань, курчалгансың нур менен, казак-кыргыз какшап айтсын ыр менен” деген аталыштагы эл аралык айтыш сынагы өттү. Аталган иш-чара Муратбек Рыскулов атындагы Нарын облустук драма театрында өткөрүлдү. Сынакта баш байгени багындырган Баян Акматовго байланыштык:

– Бул сынактын уюштуруучулары Нурсултан Малдыбаев менен Кутман Садыбакасов мурунтан эле “Нарында айтыш өткөрөбүз” деп жүрүшчү. Нарын районунун акимчилигине сунушташып, демөөрчүлөрдү таап, Казакстандан да акындарды чакырышыптыр. Эл айтыш өнөрүн сагынып калган экен, залдагы орундуктар толуп, туруп көргөндөр да болду. 2-3 саатка пландалган айтыш 5-6 саатка созулду. Айтыш абдан курч болуп, калыстар байгелерди ыйгарууда бир чечимге келе албай кыйналышты. Акыры жыйынтыгында баш байгеге коюлган 100 миң сомду мага ыйгарышты. 1-орунду Турат Жумаев алса, 2-орунга Жамайка Токонова менен Нурлобек Курмановдор татышты.

star@super.kg