Белгилүү журналист Бүбүкан Досалиева 5-июлда капысынан келген илдеттен улам 62 жашында дүйнө салды.

Ал кыргыз журналистикасынын көрүнүктүү өкүлү, илимпоз, педагог, саясат таануу илимдеринин кандидаты эле.

Бүбүкан Досалиева 1958-жылы 1-ноябрда Ысык-Көл облусуна караштуу Жети-Өгүз районунун Саруу айылында туулган. Эмгек жолун Республикалык балдар китепканасында библиограф болуп иштөөдөн баштаган. КТРК, "Сары-Өзөн-Чүй" телеканалдарында бир топ жыл иштеген. Ошондой эле бир катар университеттерде журналистика боюнча сабак берген. 1995-жылдан бери "Азаттык" радиосунда иштеп келе жаткан.

“Супер-Инфо” гезитинин эмгек жамааты Бүбүкан Досалиеванын көз жумгандыгына байланыштуу жакындарына жана үй-бүлөсүнө көңүл айтып, аза кайгысын тең бөлүшөт.

star@super.kg