Аптада америкалык басылма “The New York Times” кыргыз ыктыярчылардын зор эмгеги тууралуу макала жазды. Макалада Кыргыз өлкөсү коронавирус эпидемиясы курч абалда турганда ыктыярчылардын тобу мамлекетке жардамга келгени баяндалат. Ошондой эле мурунку Советтер Союзунун курамынан чыккан Кыргыз өлкөсү дүйнөдөгү эң кедей мамлекет экени жана вируска каршы турууга мамлекеттин күчү жетпей калганы жазылган. Ыктыярчылар чоң жумуш жасап миңдеген өмүрлөрдү сактап калганы, мейманканалар жана ресторандар стационарларга айланганы айтылат. Жардамга умтулган ыктыярчылар жөнөкөй турмушта жашаган катмар экени да жазылган.