Кыргыз Республикасынын Эмгек сиңирген артисти Алтынай Нарбаева телесериалга тартылып жатат. Экинчи жолу өзүн актриса катары сынап жаткан ырчыга байланыштык:

– Чыгармачыл инсан болгондон кийин өзүңдү ар тараптан сынап көргүң келет экен. “Таң алдында” деген 8 сериядан турган сериалга тартылуу сунушу түшкөн. Азыр төртүнчү сериалын тартып жатабыз. Азырынча оң же терс каармандын ролун аткарып жатканымды айтпай турайын деп чечтим. Буга чейин режиссёр Ырыс Жоомартованын тасмасына тартылгам. Ага чейин да сунуш түшкөн. Бирок ал роль жан дүйнөмө туура келбегендиктен баш тарткам. Тасма тартуу оңой иш эмес экен. Таң аткандан түнгө чейин тартылып жатабыз. Буюрса, жакшы сериал болот деп ишенем.

star@super.kg