"COVID-19 жөнүндө баяным" дил баяндар сынагынын жеңүүчүлөрүн аныктай турган убак келди. Бул сынакка 80ден ашуун катышуучу дил баяндарын жөнөтүштү. Анда катышуучулар ыр, дил баян, жадакалса видео аркылуу өздүк чыгармалары менен бөлүшүштү.

Бул сынакка катышып, өз окуялары менен бөлүшкөн ар бир катышуучуга ыраазычылык билдиребиз. Себеби ар бир чыгарма калыстар тобун ыйлатты, кабатыр кылды жана коронавирус менен болгон күрөштөгү жетишкендиктериңиз сыймыктандырды.

Биринчи орун Курманбек Ниязбековго ыйгарылат, кызыктыруучу сыйлык – "Раритет" китеп дүкөнүнө 2000 сомдук сертификат.

Экинчи орунду Анара Кенжебаева ээледи –
"Раритет" китеп дүкөнүнө 1400 сомдук сертификат.

Үчүнчү орун Акил Адамалиевге ыйгарылат – "Раритет" китеп дүкөнүнө 1000 сомдук сертификат.

Cынактын калган катышуучулары "Раритет" китеп дүкөнүнөн Кыргызстандагы жана чет өлкөлөрдөгү белгилүү жазуучулардын китептери түрүндө кызыктыруучу сыйлыктарга ээ болушту: Гүлнара Джолдошбаева, Болотбек Кирбашов, Гүлзина Айтмаматова, Венера Кабакбек кызы, Анара-Байнар, Айзита Аалыканова, Анара Айпова.

Бардык катышуучуларга катышкандыгы, чыгармачыл иши жана чечкиндүүлүгү үчүн рахмат. Катышуучулардын чыгармачыл иштерин Telegram каналыбыздан окуй аласыз – https: //t.me/kncvkg

Сыйлыктар “KNCV KG” коомдук фондунун ыктыярдуу салымдары тарабынан алынды.

Белгилей кетсек, "COVID-19 жөнүндө баяным" – бул коронавирустук инфекцияга каршы күрөшүү тажрыйбасы менен бөлүшкүсү келгендердин бардыгына арналган дил баян сынагы. Сынактын башкы максаты – коомчулуктун COVID-19 менен ооруп айыккандарды кодулоону жана ооруган адамдардын өзүн-өзү кодулоосун жоюу. Ошондой эле Кыргызстанда COVID-19 пандемиясына байланыштуу калкка психологиялык жардам көрсөтүп, стресстен арылтуу.

Бул долбоор жарым-жартылай АКШ өкмөтү каржылаган “Бүтүрүүчүлөрдүн COVID-19 Ыкчам Чара” чакан гранттар программасынын каражатынан даярдалган. Аталган чакан гранттар программасы Кыргыз Республикасындагы АКШнын элчилиги тарабынан каржыланып, Американын эл аралык билим берүү кеңештери (АКСЕЛС) аркылуу ишке ашырылат. Бул жерде келтирилген сунуштар, корутундулар жана пикирлер авторлордун оюн гана билдирет жана Кыргыз Республикасы АКШ элчилигинин же Американын эл аралык билим берүү кеңештеринин көз карашына дал келбеши мүмкүн.