Обончу, аткаруучу жана актёр Төлөгөн Мамыровдун моюнуна каамыт илинди. Ал сүйүктүүсү Айтурганга баш кошуп, 26-сентябрда Ноокатта үйлөнүү үлпөт тоюн өткөрдү. Түгөйлөргө шоумен Кадыр Жарматов менен жубайы өкүл ата, өкүл апа болушту.

– Жубайым 18 жашта. Аны менен ырчы досторум аркылуу таанышкам. Айтурган сулуулук салондорунун биринде чачтарач болуп иштеп жүрүп, чыгармачыл адамдар менен тааныш экен. Мен үйлөнөм деп калганда досторум “таанышып көргүлө” деп Айтурганды сунуштап калышты.

Экөөбүз таанышкан күнү эле ойлорубуз төп келип, сөздөрүбүз бир болуп баш кошолу деп чечтик. Арадан 40 күн өткөндөн кийин тоюбуз болду,- дейт ырчы.