Кыл кыякчы, ырчы Нурайым Азыкбаева менен комузчу Назбек Кенчинбаев кыздуу болушту. Сүйүнүчү коюнуна батпай, кубанып жаткан Назбек мырза буларга токтолду:

– Жубайым 23-сентябрда шаардагы менчик төрөтканалардын биринде көз жарды. Кызыбыз 3 килограмм 200 грамм салмакта, бою 55 сантиметр болуп төрөлдү. Чоң атама “балалуу болсом, чөбүрөңүзгө ысымды сиз коёсуз” дегем. Ал тун кызыбыз Аруукеге уйкаш болсун деп Айбийке деген ысым ыйгарды.

Ал эми "Жебе" тобунун мурунку солисти, ырчы Самат Муратбеков үчүнчү ирет кыздуу болду.

Ырчы Тынчтыкбек Айылчиев менен жубайы да ушул аптада ата-эне макамын алышып, уулдуу болушту.