Маданият жана шоу-бизнес өкүлдөрү "Элдин үнү" аттуу кыймыл түзүштү. Алар шайлоодон кийинки нааразычылыктан улам келип чыккан баш аламандыкка, кызматтык дайындоолорго кайдыгер эместигин билдиришти.

– Биз элдин үнү, көзү болгубуз келди. Бизге кресло, папканын кереги жок. Бизге тынчтык, мыйзамдуулук керек. Баарыбыздын талабыбыз бир – бүгүнкү түзүлгөн координациялык кеңештин курамына сөзсүз түрдө жаштар жана айымдар кошулсун. Анткени митингди, бийликти басып алууну жаштар жасады.

Азыркы тапта мандаттарды, кызматтык орундарды бөлүштүрүү болуп жатканын баарыңыздар көрүп жатасыздар. 6-октябрга караган түнү жасаган аракеттердин баары текке кеткендей болду. Биз мыйзамдуулук орноп, парламенттин толук түрдө жаңылануусун талап кылабыз,- дешет белгилүүлөр.