КУПУЯЛУУ ЖАНА КООПСУЗ

Системдин коопсуздук бекемдиги үчүн бир нече жолу текшерилген. Анын сыр санын ачуу мүмкүн эмес. Telegram’дын сыр санын чечмелөө үчүн атайын хакерлер арасында сынак уюштурулуп, 200 миң доллар сыйлык коюлган. Сынак жеңүүчүлөрсүз жокко чыккан.

МИЛЛИОНДОГОН КОЛДОНУУЧУСУ БАР

Кызматтын ай сайын активдүү колдонуучуларынын саны 2020-жылдын апрелинин аягына карата 400 миллиондон ашуун­ адамды түзгөн. Сервер күн сайын 350 миң колдонуучу менен толукталып турат. Серверлер аары сыяктуу иштешип, күнүнө 14 миллиарддан ашуун билдирүүлөрдү жөнөтүшөт.

ЖАРНАМА ЖОК

Жарнама жана спам жок. Бул абдан ыңгайлуу жана Telegram’дын негизги артыкчылыктарынын бири. Тиркеме дүйнөнүн 200 өлкөсүндө суроо-талапка ээ.

КООМЧУЛУК АРАСЫНДА ПОПУЛЯРДУУ

Тиркеме популярдуулуктун эң жогорку чегине 2014-жылы жеткен. Анда WhatsApp’тын ишинде көйгөйлөр пайда болуп, колдонуучулардын көпчүлүгү Telegram’га өткөн. Колдонуучулар аталган тиркеменин ыңгайлуулугун, ылдамдыгын жана купуялуулугун жогору баалашат.

САТЫП АЛУУ МҮМКҮН ЭМЕС

Популярдуулукка ээ болгондон тартып көптөгөн ири корпорациялар Telegram’ды сатып алууга аракет кылышкан. Тиркеменин негиздөөчүсү Павел Дуров баш тарткан жана өз позициясынан жылбай келет. Ал өз долбоорун Google да көтөрө албаган суммага баалаган.

WHATSAPP’тан АШЫП ТҮШКӨН

Программа WhatsApp’тын негиздөөчүсү Ян Кумду олуттуу тынчсыздандырган. Анткени WhatsApp Telegram серверинин мүмкүнчүлүктөрүнөн кыйла артта калган. Аны кууп жетүү үчүн чоң инвестицияларды жумшаш керек.

Жумабай Акимов