Кыргыз мушкери Турат Осмонов 30-октябрда Орусияда Shamo Boxing Promotions уюмунун алкагында өткөн титулдук беттеште жеңишке жетишти. Ал буга чейин профессионалдар арасында 3 беттешке чыгып, үчөөндө тең жеңген. Спортчуга байланышканыбызда, буларга токтолду:

– Беттеш өтө оор болду. Бир жума калганда каршылашым коронавирус илдети менен ооруп калып, башка атаандаш менен рингге чыктым. Аны иликтеп, беттештерин көргөнгө жетишкен жокмун. Атаандашым кыйла күчтүү болду, жашы менден улуу, тажрыйбасы да көп экен. Ага карабай беттешке чыгууга туура келди. Кудайга шүгүр, жеңишке жетиштим. Рейтингде дагы алдыга чыктым. Машыктыруучуларыма, мага колдоо көрсөткөндөрдүн баарына терең ыраазычылык билдирем. Учурда Екатеринбургда машыгуулардан өтүп жатам.