Чыгармачылыкка Eazy каймана аты менен аралашып жаткан ырчы Ислам Сагынов сүйүктүүсү Айсулуу аттуу бийкечке үйлөндү. Түгөйлөр 15-ноябрда борбордогу тойканалардын биринде үлпөт тоюн өткөрүп, жакындарынын батасын алышты. Эки жаштын жакшылыгына шоу-бизнестин өкүлдөрү дагы ортоктош болду. Ырчы сүйүктүүсү менен 4 жылдай кыз-жигит катары сүйлөшкөн.

26 жаштагы ырчынын репертуарында “Сафари”, “Модели”, “Бомбита” (Баястан жана G-Voo менен биргеликте аткарган), “Ван Гог” (G-Voo жана Shukur Ali менен аткарган) жана башка ырлары бар.