Сербиянын борбору Белград шаарында өткөн күрөш боюнча Дүйнө Кубогунда Кыргыз улуттук курамасы жалпы 32 команданын ичинен 2-орунга жайгашты. Бул тууралуу чет элдик спорттук басылмаларда жазылды.

Кыргыз өлкөсүнүн атынан Дүйнө Кубогуна жалпы 20 балбан катышып, 3 алтын, 5 коло медаль тагынууга жетишти. Анын ичинен 1 алтын медалды грек-рим күрөшү боюнча Жоламан Шаршенбеков тагынса, калган 2 алтынды балбан кыздар Айсулуу Тыныбекова менен Мээрим Жуманазарова утушту.

Ал эми биринчи орунга 9 алтын, 2 күмүш жана беш колосу менен Орусия жайгашса, үчүнчү орунга 2 алтын, 5 коло менен Беларусь өлкөсү жайгашты.

Жумабай Акимов