Кыргызстандын футбол боюнча Улуттук курама командасынын жарым коргоочусу Одилжон Абдурахманов карьерасын Өзбекстан чемпиондугунда улантат. Оштун "Алай" футболдук клубунун капитаны Өзбекстандын Суперлигасында ойногон Ташкенттин "Бунёдкор" клубу менен келишим түздү. Бул тууралуу аталган клубдун Инстаграм баракчасына жарыяланды.

"Бунёдкор" Өзбекстандын 5 жолку чемпиону, өткөн сезондо 4-орунду ээлеген. Абдурахманов 16-январда экинчи дивизиондун “Ок-Тепа” клубуна каршы оюнга катышып, беттеш 3:2 эсебинде "Бунёдкордун" жеңиши менен аяктаган. Кыргызстандык футболчу оюн талаасына негизги курамда чыкты.

Айта кетсек, Одилжон Абдурахманов былтыр Оштун "Алай" клубу менен Кыргызстандын Кубогун жеңип алган.

Жумабай Акимов