Элизия деген аталыштагы деңиз үлүлүнө өз башын денесинен ажыратып жулуп алууга бир нече саат, ал эми жаңы денени өстүрүп алууга бир нече апта керек болот. Мындай маалыматты Япониядагы аялдардын Нары университетинин изилдөөчүлөрү жазып чыккан. Алар лабораториядагы үлүлдөрдүн биринин башы денесинен ажырап бөлүнүп, баш өз алдынча жылып жөнөгөнүн кокустан байкап калышкан. Анан бир нече сааттан кийин баш суу балырларын жей баштаган. Болжол менен 20 күндүн тегерегинде үлүл жаңы денесин өстүрүп алган. Ал эми баштан ажыраган дене бир нече күн жашап, анан өлүшү мүмкүн экен.

Изилдөөчүлөр үлүлдүн башынын арт жагындагы шакектей тегерек белгини байкашкан. Үлүл башын дал ошол жерден денесинен ажыратат экен. Бирок эмне үчүн денесин кесип сала турганы азырынча табышмак. Сыягы, алар ушундай жол менен мителер уялап алган денесинен кутулушат окшойт. Анткени башын денесинен ажыраткан үлүлдүн денесинен мителер табылган.

Канымжан Усупбекова