Оорудан кийин сакайып келе жаткандар, өнөкөт оорудан жапа чеккендер (мисалы, бөйрөк оору же ич катуу), кош бойлуу аялдар жана балдар суткасына 100-150 грамм кургатылган өрүк жеш керек. Анткени анын курамында организмге керектүү калий, кальций, магний, фосфор, темир, органикалык кислоталар жана башка пайдалуу заттар бар. Мисалы, ичи каткан адам күнүгө айтылган өлчөмдө өрүк жеп жүрсө, ич катуудан акырындап арылат. Курамдагы витаминдер оңой сиңет, андыктан кош бойлуулар менен балдарга абдан пайдалуу. Дамамат колдонгон соң ооруган адамдын абалы кадыресе жеңилдейт.

Канымжан Усупбекова