Кыргыз мушкери Зулкарнайн Камчыбеков ММА боюнча америкалык уюмдун чемпиондук курун тагынды. 2-апрелде Пенсильвания штатынын Филадельфия шаарында өткөн CFFC 95 (Cage Fury Fighting Championships) турниринин алкагында Камчыбеков америкалык Жесси Смит менен титулдук беттешке чыкты. Кыргыз мушкери атаандашын экинчи раундда техникалык нокаут менен утуп, чемпиондук курдун ээси болду. Ал эми атаандашы Жесси Смит алгач ирет жеңилүү ызасын тартты. Зулкарнайн профессионалдык карьерасында жалпысынан 8 беттеш өткөрүп, баарында жеңишке жетишкен.

Динара Акимова