• Адамдын көзүнүн ички челинде болжол менен 126 миллион клетка бар, алардын бардыгы жарыкка сезимтал болушат.
• Бир жолку көз ирмем орточо 0,1ден 0,4 секундга чейин созулат. Дени сак жана нормалдуу абалдагы адам күнүнө 11-12 миң жолу көз ирмейт.
• Адамдын көзү жалпысынан эмоциянын 55 пайызын билдире алат.
• Жакшы көргөн адамын караганда каректер 45 пайызга чейин чоңоёт.
• Адамдын көзү ажырата албаган дагы түстөр бар. Аларды “көрүүгө мүмкүн эмес түстөр” деп аташат.
• Көз булчуңдары – денедеги эң активдүү булчуң болуп саналат.
• Теория боюнча, адамдын көзү 10 миллионго чейин түстү айырмалай алат делет. Чындыгында, ал 100гө жакын түстү гана айырмалайт, ал эми кесиби түскө байланыштуу адамдар – сүрөтчүлөр, дизайнерлер – болжол менен 150 түстү айырмалашат.
• Китеп, гезит окуганга караганда сүйлөп жатканда бат-баттан көз ирмейбиз.
• Аялдар эркектерге караганда эки эсе көп көз ирмешет.
• Жабыркаган көздүн чел кабыгын дарылаганда 48 сааттын ичинде калыбына келе алат.
• Көздүн чечекейи адам ойлоп тапкан бардык камералардан ылдамыраак иштейт.
• Шизофрения диагнозун көздү изилдөө менен 98 пайызга так коюуга мүмкүн.
• Көк көздөр күрөң көздөргө салыштырмалуу жарыкка көбүрөөк сезимтал.
• Жаңы төрөлгөн бала көз жашы жок ыйлайт. Көздөн жаш 6 аптадан баштап чыга баштайт.
• Дүйнөдө 2 пайыз гана адамдын көздөрү жашыл. Ал эң сейрек кездешкен көз түсү.
• Көздү ачып туруп чүчкүрө албайбыз.
  

Гулийпа Маметосмон кызы