Кыргыз өлкөсүндө туулган мушкер Дмитрий Бивол Дүйнөлүк бокс ассоциациясынын (WBA) чемпиондук курун коргоду.

Ал 79,38 килограммга чейинки салмак ченинде британиялык Крейг Ричардс менен кез келди. Беттеш калыстардын чечиминин негизинде Биволдун жеңиши менен аяктаган. Турнир Англиянын Манчестер шаарында өттү. Муну менен Бивол титулун жетинчи жолу коргоду. Ал 2017-жылдан бери WBA куруна ээлик кылып келет. 30 жаштагы мушкердин профессионалдык рингде 18 беттеши, 18 жеңиши бар.

Дмитрий Бивол Токмок шаарында төрөлгөн. Бокс менен 6 жашынан тартып машыгып, жаштар арасындагы Кыргыз курамасынын мүчөсү болгон.

Динара Акимова