• Президент Садыр Жапаров майдын аягында Орусияга иш сапары менен барары белгилүү болду.
• Быйыл Ысык-Көлдө туристтик маалда коомдук коопсуздукка 710 милиция кызматкери көз салары айтылды.
• 10-майга карата өлкөдө 43 миңге жакын жаран коронавируска каршы эмдөөдөн өттү.
• Өлкөдө 2021-жылдын алгачкы 4 айында пенсия жана жөлөкпулдарга бюджеттен 16 миллиард 577 миллион сом жумшалды.
• Өзгөндө 11-майда 8 жашар бала сел агызып кетип каза болду.
• 5-9-май күндөрү Ош шаарында Кыргыз-Тажик чек арасын тактоо боюнча өкмөттүк делегациялардын топографиялык жумушчу топторунун кезектеги жолугушуусу өттү.
• Элчибек Жантаев Ысык-Көл облусунун жетекчиси кызматынан бошотулуп, Аймактык өнүгүү мамлекеттик агенттигинин директору болуп дайындалды.
• Ысык-Көл облусунун жетекчиси болуп Мирбек Кожоев дайындалды.
• Токтогул суу сактагычы толо баштады, 11-майга карата анда 9 миллиард 372 миллион метр куб суу бар.
• 11-майда Кыргыз өлкөсүнүн жана Өзбекстандын тышкы иштер министрлери Кытайда иш сапар алкагында жолугуп, Кыргыз-Тажик чек арасындагы кырдаалды талкуулашты.
• Базарбай Мусабеков Мамлекеттик материалдык резервдер фондунун төрагасы болуп дайындалды.
• Кыргыз өлкөсүнүн Стамбул шаарындагы башкы консулу кызматына Лира Сыдыкованын талапкерлиги сунушталды.
• Виктория Мозгачева Бишкектин вице-мэри болуп дайындалды.
  

Жолдубек Качкынбаев