Канат Бегалиев, Арсен Эралиев, Каныбек Жолчубеков, Акжол Махмудовдун машыктыруучусу Мейрамбек Ахметов Токиодо өтө турган Олимпиада оюндарында калыстык милдетти аркалай турганын Кыргыз Республикасынын Күрөш федерациясы билдирди. Бириккен күрөш дүйнөсү (UWW) Олимпиада оюндарына реферилерди тандоо процессин эки жыл мурун баштаган. UWW`нин комиссиясы калыстыкка талапкерлердин буга чейинки иштерин кылдат текшерип чыгышкан жана добуш берүү аркылуу 50 киши бекитилген. Бул тизмеге грек-рим күрөшү боюнча Кыргыз Республикасынын Эмгек сиңирген машыктыруучусу Мейрамбек Ахметов да кирген.