“Каратал-Жапырык” коругу Нарын облусунун аймагында жайгашкан. 1994-жылы сейрек кездешүүчү жана жоголуп бара жаткан жаныбар, өсүмдүктөрдү сактап калуу багытында түзүлгөн. Коруктун жалпы аянты – 21 миң 16 гектар. Корук негизинен 3 бөлүктөн турат: Каратал-Ачаташ, Соң-Көл жана Чатыр-Көл.

Корукта өсүмдүктөрдүн 600 түрү, сүт эмүүчү жаныбарлардын 36 түрү, канаттуулардын 130, сойлоп жүрүүчүлөрдүн 3, баканын 1, балыктын 7 түрү жашайт. Өсүмдүктөрдүн 2 түрү Кызыл китепке киргизилген, ал эми 45 түрү дары өсүмдүктөр болуп эсептелет.

Кызыл китепке киргизилген жаныбар, канаттуулардын ичинде илбирс, жазы кулактуу жарганат, таштакчыл суусар, сүлөөсүн, тоо теке, кумай (таз жору), бүркүт, ителги, кара илек-илек, тоо казы, ак куу, ак баштуу жору, узун тумшуктуу арам өрдөк, кулаалы, кара каз, каркыра, кара баштуу чайка жана башкалар бар.

Коруктун климаты жайгашкан ордуна карап жайы салкын, кышы катуу болот. Кыш 6 айга созулат. Жайкысын орточо температура +11...+16 градусту түзөт.

Канымжан Усупбекова