• Кемпир-Абад суу сактагычына 11-июлда 17 жаштагы жигит чөгүп кетип каза болду.
• Өлкөдө июнь айында 5907 жаран пенсияга чыкканы айтылды.
• Нуруйпа Муканова Коррупцияга каршы ишкердик кеңештин башкы катчысы болуп дайындалды.
• Орхан Инандынын Түркиядагы жактоочусу: "Инандыны Бишкектен Кыргыздын 3 жараны уурдаган".
• Өлкө аймагында 15-19-июль күндөрү туруксуз аба ырайы күтүлөт.
• Улуттук статистика комитети: 2021-жылдын 1-январына карата Кыргыз элинин саны 6 миллион 637 миң.
• Мамлекеттик бажы кызматы: Кытайдан жүк алып келүүнү көбөйтүү үчүн аталган өлкө менен сүйлөшүү жүрүп жатат.
• 13-июлга караган түнү Москвада кыргыз-тажик жарандары ортосунда массалык мушташ орун алып, ондогон жарандар кармалышты.
• Кокустан кылмыш кылып, абакта отурган жарандардын шайлоолордо добуш берүүсүнө уруксат берүү сунушталууда.
• Тажикстанда “чек арадан мыйзамсыз өттү” деп Кыргыздын 4 жараны кармалып, алардын бири 5 жылга соттолду.
• 2021-жылдын 6 айында өлкө казынасына 80 миллиард 767 миллион сом киреше түштү, бул 2020-жылдын 6 айындагыдан 28 миллиард сомго көп.
• “Кумтөр” боюнча кармалып УКМКнын тергөө абагына киргизилген экс-чиновник Данияр Нарымбаев ооруканага жаткырылды.
• Токтомамбет Сатышов Архитектура, курулуш жана турак жай-коммуналдык чарба мамлекеттик агенттигинин директору болуп дайындалды.
• 13-июлга карата Токтогул суу сактагычында 11 миллиард 360 миллион метр куб суу бар.
• "Манас" аэропортунда унаа токтотуучу жайдагы акысыз берилген 15 мүнөт 20-июлдан тартып жокко чыгарылат.
• Заир Чокоев экономика жана финансы министринин орун басары, Борбордук казыналыктын директору болуп дайындалды.
• Сауд Арабиясы Кыргыз өлкөсүнө 500 миң доллар өлчөмүндө гуманитардык жардам көрсөттү.
• Ысык-Көлдөгү Корумду-Балбай жолун оңдоо иши 2022-жылы башталары маалымдалды.
  
  

Жолдубек Качкынбаев