Эгер сиз окшош сандарды телефондогу сааттан, унаалардын жана валюталардын номеринен кездештире берсеңиз, анда сизге аалам белги берип жатат. Нумерологияда окшош сандар эмнеден кабар берет? Жоопту материалдан табасыз.

00:00 – Аалам менен биригүү. Тилектердин аткарылышы.

01:01 – Өзүңүздүн ойлоруңуз, санааркооңузга эркиндик бериңиз. Түрдүү эмоцияларды сезип көрүү маанилүү.

02:02 – Бизнесте, сүйүү жаатында өнөктөш пайда болорунан кабар берип жатат. Жаңы таанышууларга көңүл буруңуз.

03:03 – Интуицияңызды угуп, жашооңузга өзгөрүү киргизиңиз.

04:04 – Туура багытта баратасыз. Алдыңызда пайда болгон тоскоолдуктардан оңой өтөсүз.

05:05 – Жашооңузда олуттуу өзгөрүү болот. Өзүңүзгө ишенип, кам санабаңыз.

06:06 – Сүйүүнүн комбинациясы. Бул күн укмуштуудай ийгилик алып келет.

07:07 – Жыргалчылык жана кубанычтын белгиси. Эң маанилүү жолугушуу күтөт.

08:08 – Молчулук күтүп турат. Каржы жааты жакшырат. Акылга жана интуицияга басым жасаңыз.

09:09 – Аяктоонун символу. Жашооңуздагы артык көргөн адамдарды биринчи орунга коюңуз.

10:10 – Өзгөрүү жакындап калды. Жасаган ишиңиз үчүн сыйланасыз.

11:11 – Күмөн саноону артка калтырып, аракет кылууга убакыт келди. Жасаган ишиңиз колдоого татыйт.

12:12 – Жашоого болгон көз караштар өзгөрөт. Каржы жааты жакшырат.

13:13 – Жаңы таанышуу болорунан аалам кабар берип жатат.

14:14 – Саякаттайсыз. Жашооңузда өзгөрүү болот. Көйгөйлөр чечилип, таарынычтар жазылат.

15:15 – Жакындарыңызга көбүрөөк убакыт бөлүңүз. Сиздин колдооңуз аларга өтө маанилүү.

16:16 – Көкүрөктөгү кыялдардын орундалышы жакындап калды.

17:17 – Материалдык пайда күтүп жатат. Жаңы тааныштар пайда алып келишет.

18:18 – Сизден баш тарткан досторду, сүйүктүүңүздү коё бергенден коркпоңуз. Ийгилик жакындап калды.

19:19 – Чыгармачылык өнүгүү болот. Жумушта ийгилик болорунан кам санабаңыз.

20:20 – Достор жардамга келишет. Адамдарга ишенүүгө үйрөнүңүз.

21:21 – Олуттуу чечим кабыл алууга убакыт келди. Өз күчүңүзгө жана интуицияңызга ишенип аракет кылыңыз.

22:22 – Бул сандар өзгөрүү күтүп жатканын билдирет. Жакында жаңы таанышуу болот.

23:23 – Каталарды оңдоого мезгил келди. Туура чечим кабыл алып, туура багытта жол улаңыз.

001 – Өзүңүздүн жан дүйнөңүздү угуңуз. Медитация кылуу жана руханий изденүү убагы.

110 – Жеке жашоодогу көйгөйлөрдүн чечилишине аз калды. Өз алдынча чечим кабыл алуудан коркпоңуз.

011 – Кубаттуу энергетикалык агым жакындап калды. Интуиция, эргүү, эркиндик, демилгенин белгиси.

111 – Ойлоруңузга анализ жүргүзүңүз. Чоң мүмкүнчүлүктөргө жол ачылат.

222 – Айланада гармония болот. Берешендик, тилектештик кылыңыз.

333 – Ийгилик, молчулук, материалдык пайда күтүп турат.

444 – Төрт стихиянын: от, суу, аба, жердин күчү. Кол тийбестик жана туруктуулуктун белгиси.

555 – Ийгиликти чакыруу мүмкүнчүлүгү түзүлөт. Жашооңузда түп тамырынан өзгөрүү болот.

666 – Үй-бүлөгө көңүл бурууга убакыт келди.

777 – Жолуңуз шыдыр, жарык болот. Аалам жамандыктардан коргоп турат.

888 – Акылмандыктын белгиси. Интуиция күч алат.

999 – Чексиз сүйүү. Аң-сезим жаңы деңгээлге көтөрүлөт.

Динара Абдыкадырова