• Бишкек жана Ош шаардык кеңештерине 11-июлда болгон кайра шайлоолорду аталган шаардык, аймактык шайлоо комиссиялары өттү деп тааныды.
• Аксыда сел агызып кетип, 12-июлдан бери изделип жаткан 5 жашар баланын денеси 18-июль күнү табылды.
• Улуттук энергетикалык холдинг: Пландык оңдоп-түзөө иштери 90 пайызга бүттү.
• БШК: Токмок шаардык кеңешине шайлоодогу добуштар кайра саналбайт.
• Кара-Кулжа районунун Коо-Чаты айылында 17-июлдан 18-июлга караган түнү карышкыр адамдарга кол салып, 2 тургун жаракат алды.
• Улуттук статистика комитети: 2021-жылдын 6 айында Кыргыз өлкөсүнөн Орусияга 154 миллион долларлык товар экспорттолду.
• Баткенде Тажикстанга мыйзамсыз көмүр ташып бараткандар кармалганын 19-июлда УКМКдан билдиришти.
• Бишкекте 1 аптада 4277 жол эрежесин бузуу фактысы катталды.
• 20-июлда Ош облусунун Алай районунда жер титиреди, жабыр тарткандар жана кыйроолор жок.
• Ысык-Көлдө сууга чөгүп кеткен 12 жашар кыздын жансыз денеси табылды.
• 21-июлга карата Токтогул суу сактагычында 11 миллиард 590 миллион метр куб суу бар.
• УКМК: Нарында майнинг-ферманын мыйзамсыз иш-аракеттерине бөгөт коюлду.
• Өлкөдөн мыйзамсыз чыгарылганы жаткан жеринен 1 тоннадан ашык автоунаа катализаторлору колго түшүрүлдү.
• Банктардан насыя алган кардарлар 21-июлда үстөк пайызын азайтуу талаптары менен Бишкекте митингге чыгышты.
• Кыргызстан мунай ташуучулар ассоциациясы: Быйыл июль-август айларында өлкөдө күйүүчү майдын баасы дагы 6-10 пайызга кымбатташы мүмкүн.
• Баткендин Максат айылында быйыл апрель айындагы куралдуу кол салууда талкаланган мектеп калыбына келтирилгени айтылды.
• Коронавирус илдетинен улам дарыланып жаткан тышкы иштер министри Руслан Казакбаев жумушка чыкты.
• Чолпон-Атада 19-20-август күндөрү Евразиялык өкмөттөр аралык кеңештин кезектеги жыйыны өтөрү күтүлүүдө.
• Сотторду тандоо кеңеши Чүй облустук сотунун 1 судьялык кызмат ордуна сынак жарыялады.
  
  

Жолдубек Качкынбаев