• Бишкек – Кара-Балта жолун жаңылоо ишин 2022-жылдын күз айларында бүтүрүү пландалып жатканы айтылды.
• 30-июлдан тарта Ош шаарында эттин баасы арзандай турганын шаардык мэрия билдирди.
• Расмий маалыматка таянсак, өлкөдө коронавирус илдети жайылгандан бери 6 бала аталган оорудан каза тапкан.
• “Кыргыз темир жолу” мамлекеттик ишканасы 150 жүк ташуучу вагон, 3 тепловоз сатып алары айтылды.
• Коррупцияга каршы ишкердик кеңештин жетекчиси Нуруйпа Муканова 27-июлда Бишкекте ишкерлер менен жолугушуу өткөрдү.
• Монополияга каршы жөнгө салуу агенттиги: Өлкөдө шекердин баасы 7 айда 8 сомго кымбаттады.
• Бишкек административдик соту Ош шаардык кеңешине кайра шайлоонун жыйынтыгында "Биздин Кыргызстан" партиясын тизмеден четтеткен БШКнын чечимин жокко чыгарды.
• Ысык-Көлдө 18 жаштагы жигитти аквапарктын түтүкчөсү соруп кетип, жигит каза тапты.
• Октябрь окуясы боюнча кылмышка шектелип тергөө абагында отурган саясатчы Жеңиш Молдокматов 26-июлдан тарта ачкачылык жарыялады.
• Нурадил Баясов инвестициялар министринин орун басары болуп дайындалды.
• Чүйдөн Орусияга баңгизат ташып жүргөн кылмыштуу топ кармалды.
• 26-июлга карата Токтогул суу сактагычында 11 миллиард 667 миллион метр куб суу бар.
• Экс-спикер Дастанбек Жумабеков Талас облустук көк бөрү федерациясынын башчысы болуп шайланды.
• Асылбек Жээнбеков менен Төрөбай Зулпукаров үстүбүздөгү жылдын 30-сентябрына чейин камакта калтырылды.
• Казакстандан Кыргыз өлкөсүнө 25 миң доза QazVac вакцинасы алынып келинди.
• Муфтийдин орун басары Кадыр Маликов кызматынан кетти.
• Жогорку Кеңештин депутаттары жеке менчик автомектептердин лицензиясын текшерүү зарыл экенин айтып чыгышты.
• Президент Садыр Жапаров кайрадан элди коронавируска каршы эмдөөдөн өтүүгө чакырды.
• БШК: Парламенттик шайлоо быйыл ноябрь айынын аягында өтүшү мүмкүн.
• Парламенттин тийиштүү комитети коомдук жайларда тамеки чегүүгө тыюу салган мыйзам долбоорун 2-окууда жактырды.
  
  

Жолдубек Качкынбаев