• Жаза аткаруу мамлекеттик кызматынын төрагасынын орун басары Таалайбек Нуралиев коррупцияга шектелип кармалды.
• Баткенде Кыргыз-Тажик чек арасында аткезчиликке каршы атайын операция жүрүп жатат.
• Алмазбек Бейшеналиев Кыргыз өлкөсүнүн Швейцариядагы элчиси болуп дайындалды.
• Буга чейин Бишкек мэринин милдетин аткарып келген Бактыбек Кудайбергенов Президенттин иш башкармалыгынын жетекчиси болуп дайындалды.
• Чек ара кызматы: Лейлек районунан Тажикстанга күйүүчү майды мыйзамсыз сордуруп алуу үчүн коюлган түтүк табылды.
• Чүй аймагындагы тоодо Акпай көлү жарылып, 8 үй-бүлө коопсуз жайга көчүрүлгөнү маалымдалды.
• Кубанычбек Конгантиев Бишкек шаардык кеңешинин төрагасы болуп шайланды.
• Улуттук статистика комитети: Өлкөдө 1 жылда буудайдын баасы 40 пайызга кымбаттады.
• Бишкектин “Тазалык” ишканасы кышка даярдык көрүүнүн алкагында 6500 тонна туз сатып алууну пландоодо.
• Монополияга каршы күрөшүү агенттиги базарларды капыстан текшерүү механизмин киргизет.
• Бишкекте 1 аптада транзиттик номер менен жүргөн 115 автоунаанын айдоочусу жол эрежесин бузганы айтылды.
• Расмий маалыматка таянсак, учурда өлкөдө каттоодон өткөн 22 миңдей коомдук уюм бар.
• Күзүндө өлкөдө кумшекер жана өсүмдүк майынын баасы арзандайт деп расмий маалымдалды.
• Бишкекте шаарды көрктөндүрүү жана тазалык эрежелерин бузган 2 ишканага 36 миң сом айып салынды.
• Айыл чарба министрлиги: Быйыл өлкөдө кургакчылыктан улам дан өсүмдүктөрү былтыркыга караганда 30 пайызга аз жыйналат.
• 4-августта Бишкекте жолбун иттерди, кароосуз жаныбарларды атууга каршылык билдирип жарандар митингге чыгышты.
• Ысык-Көлдө Балыкчы–Барскоон трассасын жаңылоо иши башталды.
• Ош шаарында 3-августта 10 жашар бала сууга чөгүп каза болду.
• Президент Садыр Жапаров 5-6-августта Түркмөнстанда Борбордук Азиядагы мамлекеттердин башчыларынын консультативдик жолугушуусуна катышат.
• Акыйкатчы Токон Мамытов "Кумтөр" боюнча кылмышка шектелип кармалган экс-чиновник Данияр Нарымбаевдин ден соолугуна кабатыр.
  
  

Жолдубек Качкынбаев