• БШК: Бишкектин мэрлигине талапкерлерди каттоо үчүн документтерди кабыл алуу башталды.
• Ош шаарына Кытайдан медициналык жабдуу түрүндө гуманитардык жардам жеткирилди.
• Жээнбек Кулубаев президенттик администрациянын тышкы саясат бөлүмүнүн башчысы болуп дайындалды.
• Ош аэропортунун кире беришине мыйзамсыз орнотулган тосмо алынды, ал жерде автоунаалардан негизсиз төлөм алып жүргөнү аныкталды.
• Парламент депутаты Умбеталы Кыдыралиев “Кыргыз алтын” ишканасынын жетекчиси болуп дайындалды.
• Орусияда 31 жаштагы Кыргыз жараны мекендешин – 14 жаштагы кызды зордуктоого айыпталып жатканы маалымдалды.
• Өткөн аптада Бишкекке келген мурдагы президент Аскар Акаев кайра Москвага учуп кетти.
• 4-9-август күндөрү Тажикстанда Кыргыз-Тажик чек арасы боюнча өкмөттүк делегациялардын топографиялык жумушчу топторунун кезектеги жолугушуусу өттү.
• Буга чейин президенттик администрациянын тышкы саясат бөлүмүн жетектеп келген Дастан Дүйшекеев Кыргыз өлкөсүнүн Казакстандагы элчиси болуп дайындалды.
• Бишкекте соода түйүнүндө орус тилинде жооп бергени үчүн сатуучу кызга кол көтөргөн жаранга УКМК эскертүү берди.
• Жеңиш чокусунун аймагында Ирандын 2 жараны дайынсыз болуп изделүүдө.
• Рахат Керимбаева Интеллектуалдык менчик жана инновациялар мамлекеттик агенттигинин директору болуп дайындалды.
• Ош шаарында өз өмүрүн кыюу үчүн 5-кабаттан секиргени жаткан кыз куткарылды.
• Кыргыз өлкөсүнүн АКШдагы элчиси Бактыбек Аманбаев Америка бийлигинен Кыргызстанды өнүктүрүү программасынын алкагында жардам көрсөтүүнү өтүндү.
• “Ысык-Көл Аврора” санаторийи президенттин иш башкармалыгынын карамагына өткөнү маалымдалды.
• Орусияда компаниялардын бири Кыргыздын 49 жаранына маяналарын бербей жүргөнүн, бул иш териштирилип жатканын Орусиядагы Кыргыз элчилиги билдирди.
• Тышкы иштер министри Руслан Казакбаев менен Украинанын Кыргыз жериндеги элчиси Валерий Жовтенко эки өлкөнүн кызматташтыгын күчөтүүнү талкуулашты.
• Бишкек ЖЭБинин кышка даярдыгы Министрлер кабинетинин төрагасынын биринчи орун басары Айбек Жунушалиев тарабынан текшерилди.
  
  

Лунара Бекиева