• Бишкектин Токтоналиев-Масалиев көчөлөрү кесилишкен аймакта “Ынтымак-2” жаңы сейил багы ачылды.
• Президент Садыр Жапаровдун жарлыгына ылайык, 227 адам Кыргыз жарандыгына кабыл алынса, 180 киши өлкө жарандыгынан чыгарылды.
• Балыкчыда дайынсыз болуп изделип жаткан 6 жашар кыз Чүйдүн Спартак айылынан табылганы кабарланды.
• 1-сентябрда Жогорку Кеңештин кезектеги сессиясы ачылды.
• Парламентте жаңы депутат Авазбек Абдугапаров ант берип, кызматка киришти.
• Эгемендүүлүк майрамынан кийин Бишкектеги “Ала-Тоо" аянтынан 4 тонна таштанды чыгарылды.
• 1-сентябрдан тарта 2022-2023-окуу жылына карата Орусиянын ЖОЖдоруна документтерди кабыл алуу башталганын Орусиянын Бишкектеги элчилиги билдирди.
• Баткенде Кыргыз-Тажик чек арасынан мыйзамсыз жүк өткөрүүгө шектелип 3 кыргыз жараны кармалганы маалымдалды.
• Ысык-Көлдө таксистке кол салууга шектелип 2 жаран кармалды.
• Айыл чарба министрлиги өлкөгө кумшекер жана өсүмдүк майын алып келүүдөгү салык жеңилдигинин мөөнөтүн узартууну сунуштап жатат.
• Канатбек Ахмедов Токмокко мэр болуп шайланган Урматбек Самаевдин ордуна парламентке депутат болду.
• 2-4-сентябрь күндөрү Ош, Баткен аймактарында "Түштүк-2021" аскердик окутуу-машыгуу иш-чарасы өтөт.
• Бишкекте 1 аптада 5571 жол кыймылынын эрежесин бузуу фактысы катталганы маалымдалды.
• 31-августта Түркиянын Анкара шаарында Манас баатырдын эстелиги орнотулду.
• Ошто көк бөрү мелдешинде жеңүүчү болгон командалар "убадаланган суммадан аз байге берилди" деп облустук администрациянын алдына чыгышты.
• Жолдошбек Ачикеев "Кыргызстан улуттук электр тармактары" ишканасынын башкы директору болуп дайындалды.
• Мамлекеттик салык кызматы жарандарды автоунаа жана жер салыгын кечиктирбей төлөөгө чакырды.
  
  

Лунара Бекиева