• Мамлекеттик “Унаа” ишканасынын директору Турусбек Түмөнбаев аталган мекемедеги тендер чуусунан кийин кызматтан бошотулду.
• 12-сентябрда Ош аймактык шайлоо комиссиясынын жаңы курамы түзүлдү.
• Бишкектеги “Ош базарынын” айрым соодагерлери “жашыруун соода мафиялары жоопко тартылсын” деген талап менен митингге чыгышты.
• Чүй облусунда эпидемиологиялык абал турукташты деп 13-сентябрда расмий маалымдалды.
• 2020-жылдын декабрында УКМК тарабынан кармалган белгилүү спортчу Кылычбек Саркарбаевди Ош шаардык соту актаганы маалымдалды.
• Өлкөдө эч кандай уруксаты жок курулган 59 көп кабаттуу имарат аныкталганы маалымдалды.
• Ош шаарында пара талап кылууга шектелип 2 мугалим кармалды.
• Ахматбек Келдибеков: "Матраимовдун тушунда бажы системи ишкерлерге шарт түзүп, өлкөгө товар тез жана тоскоолдуксуз киргизилип турчу".
• Кара-Көл шаарында адам уурдоого шектелип уюшкан кылмыштуу топтун мүчөсү кармалганын Жалал-Абад облустук милициясы билдирди.
• Улуттук статистика комитети: 2021-жылдын январь-июль айларында Казакстандан 1,6 миллион тонна көмүр ташылып келди.
• Жумгал районунда Улуу Ата Мекендик согуштун жалгыз ардагери Токон Мурсалиев 97 жашында көз жумду.
• 14-сентябрга карата Токтогул суу сактагычындагы суунун көлөмү 12 миллиард 163 миллион метр кубга жетти.
• Быйылкы окуу жылында Ош шаарында 7369 окуучу 1-класска кабыл алынганы айтылды.
• Энергетика министрлиги өлкөдө уран кенин иштетүүгө уруксат берилбей турганын билдирди.
• Министрлер кабинетинин алдында жеке маалыматтарды коргоо боюнча мамлекеттик агенттик түзүлгөнү жарыяланды.
• Бишкектин мектептеринде окуучулар менен мугалимдердин дене табы күндө текшерилип турмакчы.
• 2020-жылдын Октябрь окуяларындагы баш аламандыкка шектелип жатканы тууралуу Алмазбек Атамбаевге кабарлама жиберилгени айтылды.
• 14-сентябрда Ысык-Көлдүн Сары-Булуң айылында өрт кырсыгынан 4 жашар кыз, 6 жашар бала каза тапты.
• Бишкекте 41 жаштагы жаран велосипед уурдоого шектелип кармалды.
  
  

Лунара Бекиева