• Мамлекеттик салык кызматы автоунаа салыгын төлөй электерди аныктоо үчүн атайын рейд жүргүзө баштады.
• Венера Рыскулова Ош шаарынын вице-мэри болуп дайындалды.
• Саясатчылар Мелис Мырзакматов менен Артур Медетбековдун партиялары быйылкы парламенттик шайлоого бирге аттанары айтылды.
• ЖЭБ иши боюнча 7 жарым жылга соттолгон экс-премьер Жантөрө Сатыбалдиев айыптарды кайра карап чыгууну өтүнүп арыз жазып, сот канааттандырган жок.
• Парламент депутаты Кубанычбек Нурматов ири өлчөмдө алдамчылык фактысы боюнча кылмышка шектелип УКМК тарабынан кармалды.
• Бишкектин “Тазалык” ишканасынын директору Рыспек Сарпашев кызматынан бошотулду.
• Канатбек Исаев бир мандаттуу округдан парламенттик шайлоого талапкер болорун билдирди.
• Орусиянын Мамлекеттик Думасынын депутаттарын шайлоого Кыргыз жеринде 3 миңден ашык Орус жараны катышканы маалымдалды.
• Мирбек Расулов Башкы прокуратуранын Тергөө башкармалыгынын жетекчиси болуп дайындалды.
• Кыргыз-Тажик чек ара чырында жабыр тарткан 76 ишкерге ар бирине 200 миң сомдон жеңилдетилген насыя берилет.
• "Бийликти күч менен басып алууга аракет кылган" деп шектелип жаткан Алмаз Сарыбаев 17-сентябрдан бери ачкачылык жарыялоодо.
• Жумгалда мал уурдоого шектелип 3 жаран кармалып, күнөөлөрүн толугу менен моюнга алышканы айтылды.
• Дордой конушунда 140 балага ылайыкталган бала бакчанын курулушу башталды.
• Бишкек-Дели аба каттамы жанданды деп жарыяланды.
• Кыйноолордун алдын алуу боюнча улуттук борбор Курсан Асановдун өзгөчө режимдеги №50 тергөө абагына которулушу боюнча тынчсыздануусун билдирип Башкы прокуратурага кайрылуу жолдоду.
• Ош облусунда 21-сентябрда күчү 3 баллга жеткен жер титирөө катталды, жабыркагандар жок.
• Президент Садыр Жапаров Сауд Арабиясына иш сапары менен барууга даярданууда.
• Парламенттин айрым депутаттары БШКны "шайлоо мыйзамдарын бузуп жатат" деп сындап чыгышты.
• Ысык-Көлдө өзүн УКМК кызматкери катары тааныштырып дарыканадан акча талап кылган жаран кармалды.
  
  

Лунара Бекиева